Browsing the blog archives for May, 2014

中山兩天團 - Day 1.5

今次住的酒店係中山金鑽酒店,準五星級,整體房間都算不錯,只係房間面積不算大,和國際五星品牌的酒店有一段距離,浴室則浴缸和站浴齊全,食過昨夜的自助晚餐後,已對早餐再沒期望,連最普通的乳酪都係限量出品,真係攪笑,今朝十一點check out,未去景點就先去食午飯,今日午飯主打係乳鴿,兩隻迷你版乳鴿十位用,好彩有蘆薈菠蘿包補數,食完我地自己重買半打($13人仔)返香港,食完餐飯等上車時,外面就好似8號風球一樣,重要狂風大驟雨,行程本來重要去兩個景點,孫中山故居和集益群廟,導遊小姐問過全團人的意見,決定取消景點,直接返深圳,今次旅程提早收隊,返到屋企都要成八點呢。
 

 
乳鴿中午飯

 
回程遇大雨

 

 

中山兩天團 - Day 1.0

中午飯後天氣不穏,時晴時雨,跟住的項目是去四季果園任食水果,雄基果園佔地很廣,時領水果有菠蘿、木瓜、香蕉、蕃石榴等,可借當天落小雨,大部份團友都沒有自擇水果,但任食水果已經很過癮,果園老闆話6,7月就有任食荔枝和龍眼,叫我地下次一定要再來,食飽咗去下一個景點沙崗墟,沙崗墟係中山市一個大市集,有生、熟、雜貨等物品售賣,好逛又便宜,我們買咗兩個叫大金皇的芒果,$14人仔,夜宵靠晒佢,逛咗近一個小時後,就去酒店等開餐,晚餐係酒店自助餐,6時恭候,9時散場,今次的自助餐真係一般,叫做有生蠔和啤酒,但都只係外表取勝,今團團友的戰鬥力都好強,見到好多人都由頭帶到尾,我地食飽就返房嘆電視。
 

 
下雨天的沙崗墟

 
酒店自助晚餐

 

中山兩天團 - Day 0.5

今年的母親節,同母親大人去咗中山玩兩日,晨早就出發,團隊在深圳灣集合,大時大節人潮多得驚人,連去廁所都要輪十幾分鐘,因為今次較遲報團,車上的座位不好,要坐到車上的最後排,幸好都係尾二一排,今團的導遊小姐姓寧,長髮過肩,斯文有禮,係車上講話並不多,看來好像資歷很淺,同團還有一位學師導遊小哥,名字已記不起,他是潮州人,高個子,白話口音不靈光,今日第一個景點係海戰博物館,近虎門炮台旁邊,行逛不到十分鐘就出來,中午飯吃荔枝柴燒鵝,麗梅姐推介,味道還可以,餸菜份量不算多,我地十人檯都係剛好。
 

 
松濤居食中午飯