七月一日，一日難得的公眾假期，三十幾度的酷熱高溫，有人係屋企嘆冷氣睇影碟，有人去沙灘游水，我就選擇上街，維園內到處旗海飄揚，人們來自五湖四海，他們各有自己既訴求，有自己的冤屈，大熱天時還要走上街頭，都係想紓發那份不滿，消消那團火，係經濟不景既時期，亦係最需要政府出手既時候，而我們的政府，那些所謂解民紓困的措施，能幫上幾多忙？
儘管有些結果我們可能改變不了，但係至少我們都出過一分力！
我上街﹑他們上街，就係要話畀我地既政府知道，你真係好不堪！
15Jul09
七一．我有我訴求
12Jul09
旅行的意義
每個人去旅行，都有自己既目的同意義，有人想放假relax下，有人想為o左shopping，有人想去見識下，隨住人生既每個階段，旅行既意義可能也會改變，我早期既旅程，應該要倒帶講返十年前了….，會熱衷去一d大城市，和先進發逹既國家，依稀還記得當年既一個半月歐洲之旅，都係全憑心口掛住一個勇字就出發，全程都要慳住洗，捱長麵包，訓火車站，搭夜火車，呢d就係青春既本錢，旅程雖然係辛苦，重撞過好多次板，但就好享受呢種流浪式既旅行感覺，每日都係驚喜，每日都咁新鮮，同一班旅館中萍水相逢的朋友，就可以傾上一個通宵，明日又各走天涯，如果問我的旅行意義，我相信旅行是一種體驗和一次經歷，唔係單純既吃喝玩樂，走馬看花，好多朋友話，邊度邊個地方都冇o野睇，食住又唔得，有乜好去，如果只為風景而去旅行，我諗都係留係屋企睇電視和雜誌會更舒服，何必長途拔涉呢，近幾年我去的地方都不算是大城市，我會選上一些小鄉小鎮，因為喜歡那種簡樸的人情味，喜歡那些友善的笑容，小朋友既笑容是最天真無邪，你會發覺，快樂其實就係咁簡單。
你今日快樂o左未?
5Jul09
一切由M開始
要講攝影，就要由slr/dslr講起，要講dslr，就要由M mode談起，一般單反都會有A，S，M，P四個攝影模式(不要問我這四個模式是甚麼呀:@)，好多朋友都喜歡用P mode，因為全自動，勁方便，完全唔洗考慮光圈和快門的問題，又有些朋友會用A mode，因為聽人講影風景一定要用A mode，跟著朋友問我用咩mode最好，這個其實沒有一定準則，但如果是初學者，我會提議他從M mode開始，M即係manual，全手動模式，即係光圈快門都要自己set，不假手於相機，成和敗都是自己的決定，學攝影就是要學會怎樣駕御你手上的相機，不是讓相機來駕御你。
其實講到底，就是要熟識你自己的相機，知道它的優點和缺點，當拍攝時就更得心應手。
Hong Kong, CHINA